استضافوا واحد بلدياتنا في برنامج الكاميرا في الملعب سألوه بتشجع مين قالهم المقاولين العرب قالوله بتحب مين في المقاولين العرب قالهم عمال المحارة .
بلدياتنا راح أمريكا لقى الناس هناك لابسين تي شيرتات مكتوب عليها بيبسى و كوكاكولا ، لما رجع البلد لبس تي شيرت وكتب عليه عصير جصب .
أمريكي وروسي بيترسموا على بعض الأمريكي يقولوا أحنا أول ناس طلعنا القمر والروسي يقولوا لا أحنا أول ناس طلعنا القمر بلدياتنا كان واقف أضايق أوى قالهم أنتوا لما طلعتوا القمر لقيتوا هناك إيه قالوله طوب ورمل وزلط قالهم أحنا اللي مطلعينه.
بلدياتنا مفتاح عربيته ضاع جاب ميكانيكي فتحهاله بطفاشه طلب من الميكانيكي يعمله نسخه من الطفاشه .
بلدياتنا راح لدكتور بلدياتنا قاله يا دكتور كل ما أحط أيدي على عيني مشوفش حاجة الدكتور خرمله أيده .
بلدياتنا عمل عمليه جراحية نجحت عملها تانى .
بلدياتنا حب واحده أتجوز أختها علشان يضمن يشوفها كل يوم .
بلدياتنا أشترك في من سيربح المليون لما جورج قرداحى سأله أسمك إيه طلب رأي الجمهور .
سألوا واحد بلدياتنا بما إن الفراعنه بنوا الأهرامات تعرف اليابانيين بنوا إيه قالهم اليبانيين بنو سونيك .
بلدياتنا أشترى موبايل ركبله جهاز إظهار رقم الطالب .
بلدياتنا أشترى خط موبايل قدم طلب إلغاء الزيرو .
بلدياتنا دايخ في كل محلات الموبايل ومش لاقى طلبه ، راح شركة نوكيا و مش لاقى طلبه ، بيدور على موبايل بقرص .
بلدياتنا بيعمل كشف نظر طلع نظره 6/6 بيقول لصاحبه أنا كنت ممكن أجيب أكتر من كده بس الدكتور اللي لخبطني .
اتنين بلدياتنا راكبين موتوسيكل بيتخانقوا على إلي يقعد جنب الشباك .
بلدياتنا ماشي جنب بنت بيعاكسها قالت له بابا جاي ورايا قالها قوليله إن أنا أخوكي .
تلاته بلديتنا رسمو خطة متكامله لسرقة بنك واحد منهم يدخل يسرق الثاني يراقب البنك من الخارج والتالت يبلغ البوليس .
تلاته مساطيل بيحششوا في متحف للتماثيل النحاسية و حصل كبسه من البوليس - الثلاثة عملوا نفسهم تماثيل الضابط ضرب أول واحد بالقلم قال أيييي الضابط خده وضرب الثاني قال أييييي الضابط خده ضرب التالت بالقم قاله تنننننننننن .
مسطول بيقول لصاحبه إمبارح شفت فيل أحمر طاير فوق عمارتنا صاحبه قاله يا كذاب هو فيه فيل أحمر .
شاب روش راح محطة بنزين لقي شلة بنات واقفه حب يترسم ادامهم قال للعامل حطلي بـ 500 جنيه بنزين .
اتنين مساطيل دخلوا متحف لقوا هيكل عظمي مكتوب عليه 1600 ق.م فواحد بيسأل الثاني يعني إيه 1600 ق.م دي قاله تلاقيها رقم العربية اللي خبطته .
مسطول بيقول لصاحبه تصدق إن بوش جاي مصر بكره قاله علي الطلاق الأهلي يغلبه .
مسطول ركب العربية بتاعته ملقاش الدركسيون ولا التابلوه ولا الفتيس راح إتصل بالشرطه يبلغهم بسرقة محتويات العربية وصلت الشرطه لقوه قاعد في الكرسي الخلفي .